كونى اكتشفت انى الثوري الوحيد فى العائلة الكريمة .. وكونى اكتشفت ان اهلى من الفلول
مش عارف بس اعتقد ان الجملتين يحملوا نفس المعنى !! .. بس يللا مش مهم
فكرت يوما ان اثور على الفلول فى بيتي ... وقريبا ان شاء الله سيحدث
وقد رصدت هذا الحديث بيني وبين امى
امى: اسلام .. تصلى الجمعة وترجع على هنا علطول
انا: طب مش عايزة حاجه اجيبهالك معايا
امى لا .. اهم حاجه ملكش دعوة بالمظاهرات دى
انا: مظاهرات !! .. لا ماليش انا فى الكلام دا بلا وجع دماغ
امى: تصلى وترجع على هنا وترجع تانى
انا: حاضر
بعد الصلاة بحوالى نص الساعة "فى التحرير" امى تتصل عليا
انا: الو
امى: انت فين كل دا ؟؟
انا: بالعب كورة مع اصحابى
امى: فى الشارع ؟؟
انا: لا .. بلاي ستيشن ؟؟
امى: ماتروحش ناحية التحرير خالص
انا: منا قولتلك ماليش دعوة بالكلام انا .. هو انا فاضي ؟؟
سلام بقى عشان انا واقف جون وفى هجمة !!
ولكون امى رافضة لكل انواع التظاهر .. وكونها ممن يدعون الى الاستقرار
الحوار دا .. هيحصل قريب جدا .. باذن الله
ليست هناك تعليقات:
إرسال تعليق