على ماتفرج هي يوميات فى حياة شاب مصري بسيط لم يكن ملما بعالم السياسة قدر اهتمامه بالكره والبلاي ستيشن
شارك فى ثورة 25 يناير من اول ايامها .. ليتحول من كائن كروي الى سياسي
على ماتفرج تسلط الضوء على الاحدث اليومية فى المجتمع .. وعلى افكار ومعتقدات افراد هذا المجتمع .. عائلة تتكون من ثوري وكنبة وفلول .. فكيف تكون نقاشاتهم
هذا ما ستحكيه سطور هذه الحلقات .. وكيف يواجه "الثورى" على رغبة خطيبته فى الشعور باحساس "المخطوبة"
الشخصيات
على: شاب فى بداية العشرينيات من عمره
سلمى: حبيبة على .. يعنى فى مقام خطيبته
احمد: اخو على الصغير
امل: اخت على الصغيره
خالد: صديق على منذ الطفولة
والدعلى: خالد يعمل فى شركة "بدون ذكر اسماء"
والدة على: على ربة منزل
والد سلمى: يعمل باحد شركات السيارات المشهورة
والدة سلمى: مديرة باحدى المدارس
حبيبة: اخت سلمى الصغيره
المشهد الاول
يجلس على وسلمى باحد الكافيهات الشهيرة بدون ذكر اسماء .. كافيه كوستا
سلمى: انت بقيت سياسي اوى ياعلى
على: سياسي ازاى يعنى
سلمى: يعنى مابقتش زى الاول زز كل ما اكلمك الاقيك فى اعتصام فى مسيرة فى مليونية
عمرى مالقيتك فاضي
على: ياحبيبتي احنا عايشين فى البلد دى .. انتى حاسه بان فى حاجه اتغيرت فى البلد
سلمى: اهو .. برضه بتتكلم فى السياسة
على: ياحبيبتى ماهو انا وغيري بنعمل دا كله عشان البلد تبقى احسن
سلمى: طب انا عايزاك تعزمنى بكره ع السينيما
على: مش هينفع بكره عشان اضراب الاطباء
سلمى: نعم !! .. وانت مالك ومال الاطباء .. ماتسيبهم يضربوا لوحدهم
على: ياحبيبتي لازم اشاركهم .. الناس دى بتتعب وبتاخد ملاليم .. وحتى مابيعرفوش يعالجوا الناس
سلمى: ماليش دعوة بقى .. هو بكره يعنى بكره
على "بعصبية": يعنى هو عند ؟؟
سلمى "بسهوكة": ياحبيبي انا بقالى كتير ماقعدتش معاك زى قبل كدا .. وباحب اكون معاك
على "بضعف": ماشي ياحبيبتى .. عشان تعرفى بس انا باحبك قد ايه
سلمى "بضحكة": باحبك اوى
فجأة يتلقى على رسالة فينتفض من مكانه .. ويأخذ سلمى ويغادرا "كافيه كوستا"
يتبع...
ليست هناك تعليقات:
إرسال تعليق