ليه كدا ؟

فى البداية اعتراف صغير لبلدى الحبيب مصر

نعم يامصر انا خائن , نعم ياصر انا ممول ,, نعم يامصر انا عميل

انا خائن لكل من لاتهمه سوى مصلحته ,, انا ممول بحبك بنيلك ,, انا عميل للحق والحرية

ان كان هذا جرم ,, فليشهد العالم والتاريخ انى مجرم بحبك


بس ,, ليه مش عايزه تصدقى انى باحبك ؟ ,, ليه مش مديه لنفسك فرصه تفكرى مين بيحبك ومين مش عايز لك الخير

بتصدقى الاعلام ؟؟ ,, اولا انا باعترض على التسمية .. فالاعلام معناها نشر الخبر ,, اما فى مصر فالخبر ينشر بعد التعديل

من امتى كان الاعلام صادق يعنى ؟؟ ,, فى نكسة 67 كانوا شغالين تهليل وكذب حتى انكشفت الفضيحة والهزيمة ؟

بتصدقى العسكر ,, بقالهم 60 سنة بيمصوا ف دمك وانتى ساكته ,, ولو حاولت ادافع عنك باتضرب واتهان وتقفى ساكته تتفرجى ,, ليه ؟

ليه وانا كل همى وشقايا يابلدى عشانك ,, وبدون مقابل ,, ليه مش عايزه تنصفيني ,, ليه دايما بتظلميني ؟؟

ليه يامصر حبنا دايما من طرف واحد ,, طب ليه ماتفكريش انا ليه باحبك ,, وليه باعمل كدا ؟؟

ليه ناس مملوكه لغيرها ,, غرها مش عايزلك امان ,, مش عايزك ترتاحى يابلدى ,, ليه بتصدقيهم ,, ليه مابتفكريش فى كلامهم ؟؟

مش دول اللى كانوا ناهبينك ,, مش دول اللى كانوا سارقينك ومبهدلينك ,, مش دول اللى كانوا معذبينك ,, لما حاولت اخرجك بتبعديني ,, ليه تبنى الف سور بين وبينك ؟؟

ليه مصره تحبطينى وتقبلى بالذل وتخضعى ,, ليه عايزه تانى تهونى وتخنعى ,, اذا كنتى انتى تقبلى انا ماقبلش

والله يابلدى ,, لو كان التمن روحى تبقى فداكى ,, احسن ماعيش مذلول ,, احسن ماعيش مهان

والله يامصر لن تهونى بعد الآن فانا سندك وحمايتك ,, لست وحدى ,, فمعى الاف بل ملايين لسه برضه بيحبوكى

ومهما نسيكى الناس والزمان ,, مستحيل ابدا ينسوكى وهينصفوكى ولاعلى فوق هيرفعوكى

بس انتى اديهم الفرصة

نقطة وخلص الكلام